Video Masgon Hazin de Abdallah Panda 2025 Lyrics Lyrics

Abdallah Panda - Masgon Hazin Lyrics

[المقدمة]
(ياو، دبور برودكش)
(حصريًا على موقع مهرجانات دوت كوم)
أخويا برة بين ديابة
وأنا في ضيقة زي غابة
سجان شيطان عينه عليا
يضرب بدبشك السحابة
(يا جدع خلي الكلام رايح جاي)
(بقولك إيه يا زميلي دي مش أول حابسة ليا)
(أنا جاي في تأبيدة، مش في سيجارتين بانجو)
(ياو، أمجد الجوكر)

[المقطع الأول]
مسجون حزين مين سمعني
يا قاضي مين يوم نفعني
جدعنتي دي هتضيعني
ما تجيش تكمل المسيرة
شاويش أمانة في الزيارة
ما تجيش تقف على النضارة
مش عاوز أقابل ناس خسارة
يكونو في الأساس عويلة
عنبر يفوقلي في الخطاب
الدرس عن غدر الصحاب
إحنا إتقفل علينا باب
كشف الطبيعة سر مهنة
تسحبلي نصلة تاكل تورة
في الطرقة مين يجيلي برة
عريك بدمر أي عرة
فخد وركب قطر بنها
[اللازمة]
أخويا برة بين ديابة
وأنا في ضيقة زي غابة
سجان شيطان عينه عليا
يضرب بدبشك السحابة
حبس إنفرادي يابا عادي
مش فارقة لو تأبيدة يا قاضي
أهم حاجة ألمح أمي
مش كل يوم شاويش قصادي

[المقطع الثاني]
مصلبي في المرايا أجيها
ناسف مجازف، أنا قضيها
أحرازي ع الأرض رميها
اللي يمد إيده يخسر
بشد وش أي زايف
بحطله أحمر شفايف
حبسجي قدامي ده خايف
عشان لقاني وقتي بكسر
أنا وبس فوق يا صيعة
ما فيش واحد يبيعله بيعة
صف طابور عيال رضيعة
تعوزو كيوفكو تقضو مني
بلاش نوش، بلاش مشاكل
ما بعتمدش أي راجل
ما فيش واحد فيكو واكل
أفيونة ياض من صغر سني
[اللازمة]
مرشد ما بينا في التلاجة
قوات ضربة، دي هجمة يابا
مجند كام واحد معايا
أمبلو شُغلي، دول عصابة
يا باشا عيب كيوف معيش
الهجمة دي على ما فيش
اللي بلغ ضحك عليكم
ما فيش سلاح، ما فيش حشيش

[المقطع الثالث]
ظابط مسك مرشد يهينه
عرفته مين، عرفت فينه
ده مني ربنا يعينه
هطلع اللي جابو أمه
رايح في أوضة تانية راحل
هجيبه لو ما بين فطاحل
هنا ضيقة مش بورتو ساحل
مرشد هجيبه أصفي دمه
معايا مفتاح العنابر
أوض يابا تشبه مقابر
يا صبر عادي هبقى صابر
بالليل إقفال الأوضة تفتح
في أوضة تانية مرشد نايم
على خبطة وشه ده قايم
من الفجعة قام يا عم زايم
نصلتي قاسية فيك بتجرح
[اللازمة]
فضولنا طرقة في الإداري
عورته، أصل أنا مفتري
العركة تسمع، هجمة جاية
هجمين من غير إحم وسوري
تكتيف وضرب ع التأديب
والله ضربكم ما عيب
حكم النفس ع النفس صعب
إضربو وأنا أشتم وأغيب

[المقطع الرابع]
إسكندراني، إسكندراني
إمبابة فيها حمل زماني
المسا جاي ده من مكاني
أرض بولاق وحوش بتجرح
حسين دبور رجولة كاملة
إنت برنس في المعاملة
ضربته يابا جاية شاملة
في أي خلق جاية تسرح
الخال يقول كلامه يمشي
عربي دبور متشال في رمشي
لو غاب عيوني أنا ما تنامشي
عشان كبيرنا قلبه قاعد
رمضان دبور أبو حمو قاسي
في الحرب يضرب بالكراسي
أحمد دبور من أهلي وناسي
عشان تعامله عاوز مساعد

[اللازمة]
كامبا الأجنبي أبو حنين
بيقول بص أم المرشدين
اللي شلتهم وباعوني
في الآخر حطوني في كمين
بعدك يا أخويا أنا في غيامة
إمتى يجيني بالسلامة
الإسود أبو قلب أبيض
بحب صاحبي الشهامة

[الخاتمة]
حمو الطيخا أفيونة يابا
شمس الناسف ده الدبابة
أمجد الجوكر بالسحابة
ومؤمن نبوي ده الرجولة
أحمد ميدا ده القناص
غزالة والمصري أساس
شواف محبوب يابا من الناس
دبور برودكشن جايزة أولى
(حصريًا على موقع مهرجانات دوت كوم)