Video Batr Atraf de Abyusif 2025 Hip Hop Lyrics

Abyusif - Batr Atraf Lyrics

[المقطع الوحيد]
عملية بتر أطراف
مش بالمنشار بالكرباج، دكاترة أتراك
إبراهيم ناجي كذاب أنا إللي كتبت الأطلال
مش عشان أنا عملاق لأ إنتوا بجد أطفال
هتقوللي؟ الكبرياء لحسك سنة
و فيها إيه يا عم إني أبقي براب و أحسن منك
شوف إنت إزاز بالنسبالي شفاف
إنت مش رسام بالنسبالي شفاف
عايزك تحفظها.... قولها ٣ مرات هظهر
أبيو صاحب واحدة مش مشقوطة مالبارات غاظها
راكب موتسيكلك... هخيشه في دجلة
فك مفترس قرش ماتسووش عندي نكلة
و مازلت لسة عايش عشان ربك بيسترها
لما الأرض بتتشق و تبلعني بقف في زورها
تسمعني ٣ دقايق تقعد شهر بتكتب
هسقفلك بس هيبقي بكعبي في ضهر الشبشب
دي الجزمة إللي بلبسها لما بنشط
دولا مش إم سيز دولا لبسة علي المنشر
بعبي القوضة بصوتي... بملاها صدى
مش مالفضى إن الفانز راسمين اللوجو ع المنضدة
ردي علي أى دس بشير... فا خدوها تارجت
موقفهم في صف زي كاشيير السوبرماركت
أرجو التسخين قبل الكلام الهام شهيق زفير
ورود و دبلوا مقاسي لارج و أنا ماشي في طريق سفير
كإنه مش تليفونك تستغرب أما تبص ع النمر
في الأول بسيبك في الآخر بجيبك في النص أعذبك
يأتي وقت الراحة... مابارابش بصراحة
بطل عديتهم بطلع ديكهم... ليل صباحا
خدعة سينيمائية بسينس جامد إن في اللينس بان
إن الإنس جان... ساسبينس بإنسجام... ده فيلم كنز مان
قوللي في رينج كام... كورتك مش في إيدك
بقول إتشيز و أنا بتصور بدبح تورتة بالسكينة
قرفان من الدنيا نازل بالمنشار في الموميا
بقول يا ريت أنام دقيت كمان مسمار في الدمية
لزمتها إيه أقعد أنا في حانة؟ مش بشرب
في البيت بفرد أجنحة الدبانة بالمشرط
زاد السواد في قلبي من كتر شيل الطار
إسكب دشيت إطباق، إسكت ده الشيف إتشاط
زهيمر... مضاد السهو ع الجدران
قالوا يا خبر!! ماكانوش بيندهوا ع الجرنال
التركيز في الشيء مضر ليه فاكس نتشتت
للأسف.. الحلم إتنسي وفي جيب الجاكيت إتفتت
صف.... طفل التردد صفر... .فا في فروق تضحية
روحت لحد الشمس و رجعت.. ديه حروق سطحية
ده مطب ستاب.... الصد بصبر
معروفة إن حتي الأسمنت بيتصب في صمت
نص الماتش في الركن بين المضمضة و القلق
وشك إزرق مالحبر.. عشان بضربك بالقلم
تطير إنت فوق و كون سحابة متربة بالبلا
عشان تشوف بعينك إن أنا كهربة في السما