Video Ba7lam de Ahmed A Hosny 2025 Lyrics Lyrics

Ahmed A Hosny - Ba7lam Lyrics

Verse1:
بحلم أشوف نفسى ماسك قمر
اتشعلق فى سحابة اتنطط اشرب من مطر
اخلق عالم كده من البشر
يعمل حدود من هوا يعمل شروط تتكسر

الغريب شيطان مطرود مفيش غريب وسطنا
الكره عملة نادرة الحب سر الحياة عندنا
اتجوز بنات أفكارى متقوليش انت و انا
مفيش غيرى انا ملك نفسى حلمى انا

فقير فى الابتسام يسرق من غنى ضحكة
عشان يعيش يشيل جرافتة نكد حزن خنقة
من اى كلابشات بنى البشر قرآن كريم
يفتح شبابيك قلبى لنور كان ضلمة

ماشى ينشر معنى الحياة فهل من مدكر
حلمى اشوف الدين مفيش حد عليه بيحتكر
حبة احلام قالولي مستحيلة لكن لسه الأمل
عايش جوايا لحد ما التراب يقتل زمن

Chorus:

بحلم فى ارض احلام جنة يمكن تكون
احلم حلمى ببلاش يعيشله قلبى ليوم
تشوف عيون عنوان حقيقة طعم و لون
تشوف عيون الناس خيال و اصبح كون
X2
Verse 2

مهما كان حلمك بعيد ابدأ من جديد
ابدأ و كون سعيد احلم يصبح بكره غير
لو بقيت وحدك شريد فى حلم كان بسيط
فى عيونك خليه يقيد يصبح وحيد يقوم يسير

اقتل خوفك من بكره لسه فىه انهاردة
بكره شايل حلمك يمكن جاى و يمكن لأ
احلم بألف عام من السنين و اعرف الموت قريب
عشان ضحكة عند الفراق تترسم تشكر حسيب

حمام يطير شايل حلم السلام فى جناح طليق
السلام حرية امان حبة حجات فى قاموس عتيق
مش جديد مش غريب حافظينه من تاريخ ميلاد
احلام جوة طير ما تتكسرش حتى لو وليد

الحلم متقسم طرفين روح ثابتة و روح تطير
تشوف حياة ترفض افعال جسد عليه الروح تغير
روح فاقده صوت تتكلم من خلال انسان
لكن انسان فى الحياة سيقاه عضلة لسان

Chorus:

بحلم فى ارض احلام جنة يمكن تكون
احلم حلمى ببلاش يعيشله قلبى ليوم
تشوف عيون عنوان حقيقة طعم و لون
تشوف عيون الناس خيال و اصبح كون
X2