Video Moaanaty de Ahmed Al Anwa 2025 Lyrics Lyrics

Ahmed Al Anwa - Moaanaty Lyrics

[اللازمة]
معاناتي
على كيفي ومشهاتي
ما دام الماضي ما إخترته
أنا بختار لي الآتي
معاناتي
لها مني تحياتي
لها تقدير أنا شلته
يحدد لي مساراتي

[المقطع الأول]
سنين العمر بي تمضي
وأجدد بالوفا طبعي
مع أهلي، مع أحبابي
مع عزي وديباجه
سنينٍ كم خذت مني
ولا قد جف بي نبعي
كثر ما أنا عطيت أكثر
ولو كنت اللي في حاجه

[المقطع الثاني]
سنينٍ عشت أنا فيها
ما بين أحبابي وربعي
لقيت الدنيا في عيني
سببهم صدق وهاجه
وناسٍ للأسف تالي
بالهم جا بأثر رجعي
تلاطم فوقي سبتهم
بحر يا كبرها أمواجه
[اللازمة]
معاناتي (معاناتي)
على كيفي ومشهاتي (ومشهاتي)
ما دام الماضي ما إخترته
أنا بختار لي الآتي
معاناتي
لها مني تحياتي (تحياتي)
لها تقدير أنا شلته
يحدد لي مساراتي

[اللازمة]
بداياتي
وأنا أناظر مراياتي
على كل الذي عشته
عرفت أرسم نهاياتي
صباحاتي
تشابها مساءاتي
بعد كل الذي قلته
فخورة بطيب نياتي

[المقطع الثالث]
وهذا العام يا ربي
أبي شوفي وأبي سمعي
وأبي قلبي تهاديهم
بكل اللي أنا أحتاجه
أبي من كثر ما هنا
أدور سبة لدمعي
ولا ألقى سوى فرحٍ
يلبسني أنا تاجه
[المقطع الرابع]
أبي كل اللي أغليهم
على ذوقي وعلى سنعي
أبي سندس، أبي إستبرق
أبي ماسه، أبي عاجه
أبي هذي السنة دايم
تشابه بالوفا طبعي
وأبي أهلي مع أحبابي
مع عزي وديباجه

[اللازمة]
معاناتي (معاناتي)
على كيفي ومشهاتي (ومشهاتي)
ما دام الماضي ما إخترته
أنا بختار لي الآتي
معاناتي (معاناتي)
لها مني تحياتي (تحياتي)
لها تقدير أنا شلته
يحدد لي مساراتي