Video Khelset Khalas de Ahmed Batshan 2025 Arabe Lyrics

Ahmed Batshan - Khelset Khalas Lyrics

[المقطع الأول]
يعني أنا أضحي بحياتي وأسيب حياتي عشان خاطرها تضيع
يعني أنا أبقى هموت قصادها ومشتريها وتيجي هي تبيع
يبقى فاضل إيه يا قلبي عشان نقول خلصت خلاص
هو أنا إستحملت منها شوية، ده أنا شايل في قلبي كتير
وبصراحة البعد عنها هيبقى بالنسبالي طبعاً خير
حتى لو هتعب شوية، ما ياما ناس بيفرقوا ناس

[اللازمة]
وأنا قادر على وجع البعاد يا جراح
أنا هتعب يومين لكن مسيري أرتاح
وأنا الله يصبر حالي ع اللي أنا فيه
وأنا ثابت مكاني وراسي عالية لفوق
أنا مصدوم أكيد لكن مسيري هفوق
وأنا لو قلبي مات في ربنا يحييه

[المقطع الثاني]
غلطتي سوء إختياري وإهتمامي بواحدة قلبها مات
واللي ياما تعبت منها سبتها ما بقاش في بينا حاجات
وإختيار البعد عنها أكيد قرار مرجعش فيه
سوء تفاهم، طيبة مني، مش مهم أنا كنت ساكت ليه
المهم إن اللي بينا راح خلاص ما عدتش أبكي عليه
واللي بات مظلوم يا بخته عن اللي كان ظالم في يوم

[اللازمة]
وأنا قادر على وجع البعاد يا جراح
أنا هتعب يومين لكن مسيري أرتاح
وأنا الله يصبر حالي ع اللي أنا فيه
وأنا ثابت مكاني وراسي عالية لفوق
أنا مصدوم أكيد لكن مسيري هفوق
وأنا لو قلبي مات في ربنا
وأنا ثابت مكاني وراسي عالية لفوق
أنا مصدوم أكيد لكن مسيري هفوق
وأنا لو قلبي مات في ربنا يحييه
[الخاتمة]
ثابت مكاني وراسي عالية لفوق
أنا مصدوم أكيد لكن مسيري هفوق
وأنا لو قلبي مات في ربنا يحييه