Video History Of Architecture de Ahmed Mansour 2025 Lyrics Lyrics

Ahmed Mansour - History Of Architecture Lyrics

داخل الكلية الصبح ولابس فوق عينى نضارة
وقفنى الأمن طلع كارنيهك طب هات أمارة
حطيت عينى فعينه وبصتله بصة امير كرارة
قال فى سنة كام يا كابتن رديت فى تانية عمارة

ايوة تانية ومن اول ترم بناخد تمن مواد
منهم منظور مساحة ستيل وتاريخ عمارة

تاريخ عمارة للسنة التالتة على التوالى
خلاص تعبت عايز اجيب واحد يحفظ بدالى

بدأنا ومن تانى محاضرة معرفتش حتى احضر
شكل الدكتور شادة ومش مسموح انك تتأخر
خلاص عرفت وهصحى بدرى اكتر ساعة
مش نا قصة دلع زى السنة اللى فاتت مش ناقصة لكاعة

وادينى قاعد فى المحاضرة وبندرس فجر المسيحية
متأثرين فى مصر بالحضارة الرومانية
وقسطنطين اعترف بالديانة المسيحية
والسقف جمالون خشب والأعمدة كلاسيكية


وفى المساقط عندك عدة تطورات
حنية واحدة حنية بحاجز 3 حنيات
ولو انت مصرى قبطى عندك حامل ايقونات
زى فى الكنيسة المعلقة اللى اتبنت من غير اساسات
وبعدها بمحاضرة بندرس طراز بيزنطى
ركز فى المحاضرة تفهم على ضمانتى
عندك نظام انشائى جديد هشرحلك اسمع
ازاى تنزل حمل قبة فى بلان مربع

بدأت احب المادة وحسيت ان الدنيا خضرا
علشان بدأنا فى الرومانيسك بعدها بمحاضرة
اهم حاجة فيه جديدة هى ابراج الأجراس
وكون الكتلة أكثر تعقيدا فده بيميز الطراز

لعلمك ليه انواع كتيرة ركز اسمع كلامى
رومانيسك ايطالى المانى فرنسى واسبانى
واوعى تنسى الانجليزى ده طراز جميل
واهم حاجة ان البلان فى آخره مستطيل

وشوية شوية عرفنا يعنى ايه طراز قوطى
تاكل لبانة تتطرد اصل انت عيل نوتى
أبراج مدببة وطويلة هرسمها كروكى
ونقل الحمل بالأعصاب ده نظام انشاء دى مش شروطى

وفجأة سرحت فى المحاضرة بفتكر كل اللى كان
المادة السنادى تقيلة جدا يا مان
بس لسة صامد لسة كل حاجة فى الإمكان
اتعلمت لو بتنفس لسة هدى كمان
فلو واجهتنا حاجة صعبة مستحيلة أيا كان
متقولش مش هنقدر قول ورايا
Yes we can