Video Ehlam de Ahmed Mekky 2025 Lyrics Lyrics

Ahmed Mekky - Ehlam Lyrics

[المقدمة: أحمد مكي]
إسمع مني أمثال وكلام
إسمع مني عن الأحلام
بعد ما تسمع عاوزك تحلم
تحلم صاحي ولما تنام
وإعمل جهدك، إتعب حقق كل أحلامك بالأوهام
ربك خلق الدنيا بحالها بكل ما فيها في ٦ أيام

[المقطع الأول: أحمد مكي]
إحلم وإحلم وإحلم أكتر وإوعى حلمك يبقى كابوس
إحلم قبل ما الحلم ما يغلى لو فاكر حلمك بفلوس
إحلم وإعمل وإصبر وإتقل مهما كان الحلم بعيد
راح يجي يوم وتحقق حلمك، الأحلام مالهاش مواعيد
مين قال يا إبني إحلم على قدك؟ خلي الحلم مالهوش حدود
وإوعى حلمك بس يشدك، يبعد بيك عن كل وجود
في اللي بيرضى بالموجود ويعيش ولا بيهمه الأمر
واللي بيحلم بالمفروض بس مالوش على حلمه الصبر
واللي يصر يحقق حلمه حتى ولو ينحت في الصخر
في اللي حلمه إبتدأ بسجارة، كلنا عارفين إيه بيحشيها
يقعد يحلم بس خسارة يخلص حلمه أما يطفيها
في اللي بيحلم يبني يعمر واللي في حلمه نفسه يهد
واللي في حلمه عامل عنتر واللي يخاف من حلمه بجد
عجزت، كبرت، أنا لسه صغير
لأ أنا سيبت، ما تحلم إنت
أصلي ضعيف وأكيد مش هقدر
سيبني في حالي ما عنديش واسطة
دي حاجات بنقولها ولا نفكر وحجاج بايتة وكله أونطة
[اللازمة: دنيا سمير غانم]
لو هتحاول مرة تجرب أحلامك هتشوفها العين
إحلم صاحي وإحلم نايم، إحلم وفي كلتا الحالتين

[المقطع الثاني: أحمد مكي]
عمرك كنت تصدق حديدة بيك تطير؟
بدأت حلمه فكرة جديدة، ليه ما يكونلي جناح وأطير؟
لو حد كان قالك من ١٠٠ سنة أو حتى ٢٠٠
في شيء إسمه الطيارة وزي العصفورة بجناحين
تطير تسافر بيك وإنت وعيلتك فيها قاعدين
قالوا الناس مجنون، رد وقال لأ إنتوا العاقلين
الحقيقة هو العاقل، الأفكار هي المجانين
اللي عملها يفرق إيه عنك، عن السامعين؟
كان واحد زيك، يعني مالوش أربع رجلين
أو عين واحدة في وسط دماغه أو فوق راسه في قرنين
فرق واحد بينكو، مخه ما كانش تخين
في اللي بيحلم يلعب كورة في تريكة يقفل ماتش
ومصطفى من غير رجلين وعدى سلاح المانش
وزويل حلمه في فيمتو ثانية جابله نوبل وش
قوم إحلم وإعمل، إوعاك تقول ما يتحققش
قوي العزيمة، صدقني ربك مبيخذلش

[اللازمة: دنيا سمير غانم]
لو هتحاول مرة تجرب أحلامك هتشوفها العين
إحلم صاحي وإحلم نايم، إحلم وفي كلتا الحالتين
لو هتحاول مرة تجرب أحلامك هتشوفها العين
إحلم صاحي وإحلم نايم، إحلم وفي كلتا الحالتين
[المقطع الثالث: أحمد مكي]
مش كفاية بس تحلم، مش مهم الحلم إيه
المهم تتعب تحقق كل اللي إنت حلمت بيه
مش كفاية بس تحلم، مش مهم الحلم إيه
المهم تتعب تحقق كل اللي إنت حلمت بيه

[الخاتمة: أحمد مكي]
قوم إنحت في الصخر وحقق حلمك
قوم إنحت في الصخر وحقق حلمك
قوم إنحت في الصخر وحقق حلمك
حقق حلمك