Video Basrah W Atoh de Ahmed Mitry 2025 Lyrics Lyrics

Ahmed Mitry - Basrah W Atoh Lyrics

[اللازمة]
بسرح وأتوه في الذكريات
وبعيش حياة ويا اللي فات
أشخاص أماكن كل شيء
حاجة توديني لحاجات

[المقطع الأول]
حكايات مواقف كلها
في الماضي دي أنا عشتها
كل اما أغمض عيني أروح
لسنين سابتني وسيبتها
كل اما أغمض عيني أروح
لسنين سابتني وسيبتها
ليه بحبها ما هي ماضي عدى وإنتهى
وإن سيبتها تمشي بترجع وحدها
وساعات أنا بشتاق لها فأنده لها
ليه بحن ليها وأعيش عليها
ما فيش إجابة عرفتها
أنا عمري كام عشان تكون لي
الذكرى أسلوب حياة
دماغي فيها مليون شريط
ماضي قديم من ده وده
ده أنا كنت عيل من يومين
ودخلت أنام
صحيت لقيت العمر عدى، ما خدنيش معاه
[اللازمة]
بسرح وأتوه في الذكريات
وبعيش حياة ويا اللي فات
أشخاص، أماكن كل شيء
حاجة توديني لحاجات

[المقطع الثاني]
وفي السنين أنا مش كبير
وشعري إسود زي ليل
والليل ما بيعديش طويل
ما فيهوش هروب من الذكريات
ليه ما ليش في بكرة وليه بتوه
ليه ما ليش في حلم بترسموه
بسرح فـ ألاقي الذكرى بس
وفيها بلقى أنا يومي أمس
غير يومكوا ده اللي بتعيشوه
الذكرى واخداني لمكان
أيام زمان وقت الفرح وقت الهنا
أنا وسط بكرة ما ليش وجود
في الذكرى بس بكون أنا
برجع في غمضة عين سنة
وسنة في سنة أنا ببقى أنا
عيل بيهوى الدندنة
أحلامه سهلة وممكنة
وعشان كدة أنا من هناك
أنا بنتمي للذكريات
ومليش مكان بينكم هنا
[اللازمة]
بسرح وأتوه في الذكريات
وبعيش حياة ويا اللي فات
أشخاص، أماكن كل شيء
حاجة توديني لحاجات