Video Hadota Masrya de Ahmed Mounib 2025 Lyrics Lyrics

Ahmed Mounib - Hadota Masrya Lyrics

[المقطع]
ما نرضاش يخاصم القمر السما
ما نرضاش تدوس البشر بعضها
ما نرضاش يموت جوه قلبي نداء
ما نرضاش تهاجر الجذور أرضها
ما نرضاش قلبي جوة يغني وأجراس تدق لصرخة ميلاد
تموت حتة مني، الأجراس بتعلن نهاية بشر من العباد
دي الحكمة قتلتني وحيتني وخلتني
أغوص في قلب السر، قلب الكون
قبل الطوفان ما ييجي خلتني أخاف عليكي يا مصر
وأحكيلك على المكنون
مين اللي عاقل فينا، مين مجنون
مين اللي مدبوح من الألم
مين اللي ظالم فينا، مين مظلوم
مين اللي ما يعرفش غير كلمة نعم
مين اللي محنيلك خضار، الفلاحين الغلابة
مين اللي محنيلك عمار، عمالك الطيابة
مين اللي بيبيع الضمير، ويشتري ويشتري بيه الدمار
مين هو صاحب المسألة والمشكلة والحكاية والقلم
رأيت كل شيء وتعبت على الحقيقة
قابلت في الطريق عيون كتير بريئة
أعرف بشر عرفوني، لأ لأ ما عرفونيش
قبلوني وقبلتهم
بمد إيدي لأ، طب ليه ما تقبلنيش
لا يهمني إسمك، لا يهمني عنوانك
لا يهمني لونك ولا ولادك ومكانك
يهمني الإنسان ولو ما لوش عنوان
يا ناس يا ناس، هي دي الحدوتة
يا ناس يا ناس، هي دي الحدوتة
حدوتة مصرية
حدوتة مصرية
حدوتة مصرية