Video Yaeish Ahl Balady de Ahmed Saad 2025 Arabe Lyrics

Ahmed Saad - Yaeish Ahl Balady Lyrics

[اللازمة]
يعيش أهل بلدي وبينهم مافيش
تعارف يخلي التحالف يعيش
يعيش أهل بلدي وبينهم مافيش
تعارف يخلي التحالف يعيش
تعيش كل طايفة من التانية خايفة
وتنزل ستاير بداير وشيش
لكن في الموالد يا شعب يا خالد
بنتلم صحبة ونهتف يعيش
يعيش أهل بلدي

[المقطع الأول]
يعيش المثقف على على مقهى ريش
يعيش، يعيش، يعيش
محفلط، مزفلط كتير الكلام
عديم الممارسة، عدو الزحام
بكام كلمة فاضية وكام إصطلاح
يفبرك حلول المشاكل قوام
يعيش المثقف ههأ، ههأ يعيش
يعيش أهل بلدي

[اللازمة]
يعيش أهل بلدي وبينهم مافيش
تعارف يخلي التحالف يعيش
يعيش أهل بلدي وبينهم مافيش
تعارف يخلي التحالف يعيش
تعيش كل طايفة من التانية خايفة
وتنزل ستاير بداير وشيش
لكن في الموالد يا شعب يا خالد
بنتلم صحبة ونهتف يعيش
يعيش أهل بلدي
[المقطع الثاني]
يعيش التنابلة في حي الزمالك
وحي الزمالك مسالك مسالك
تحاول تفكر تهوب هنالك
تودر حياتك، بلاش المهالك
لذلك إذا عزت توصف حياتهم
تقول الحياة عندنا مش كذلك
مش ممكن تشوفهم في وسط المدينة
إذا مر جنبك أوتومبيل سفينة
قفاهم عجينة، كروشهم سمينة
جلودهم بتضوي، دماغهم تخينة
سنانهم مبارد تفوت في الجليد
مافيش سخن بارد، بياكلوا الحديد
ما دام نهر وارد وجاي من الصعيد
تزيد الموارد، كروشهم تزيد
وتسمع وتسلم بإن التنابلة أو الأكالين
هيسمح كبيرهم ويعمل مقابلة مع الفلاحين
ويحصل تحالف ما بين الجميع
ونملى المصارف بدم القطيع

[جسر]
أطيع الخليفة، أطيع والديك
أطيع التنابلة، دا مفروض عليك
يعيش أهل بلدي

[المقطع الثالث]
يعيش الغلابة في طي النجوع
نهارهم سحابة وليلهم دموع
سواعد هزيلة لكن فيها حيلة
تبدر تخدر جفاف الربوع
يعيش أهل بلدي