Video Khiyar Al 7ayat de Al Nather 2025 Lyrics Lyrics

Al Nather - Khiyar Al 7ayat Lyrics

["كلمات الراس "خيار الحياة]

بختارها بعقلي بشوفها بقلبي بحطها بايدي
لا نيزك لا مخلص بختار الحياة

سألت الصبح ليش بيجي أخرس طلع أشّر ومى
عقلي السبب شلّ الرجا ولما غرقت عقلي ومض
وتمضمض القلب بملح بحر العبث
بحر العبث موج التردد بين حياة وعدم
شمس الصبح، غيم الوهم، ريح الوقت، غيث الكشف
وبتنتحر أحلام عن سطح السما
لما متت شفت الخيار الأولاني
إجاني عكفة فيه الحياة يمكن تتركني اختار كيف بموت
يمكن تتركني إنسلّ من نسيج بيحكم كيف بعيش
عكفّة فيه الموت يلي اكيد جايي ولو اخترت الكفة الاولى
ما الفرق بين الفترة وبين الفترة مانه بطولها
الفرق بين المدّة وبين الشدّة مانه بطولها
نفس التاج فوق راسين تاجين
فبختار حياة وموت مش موتين
بختار الخيار لا نيزك لا مخلص بختار الإنسان

بختارها بعقلي بشوفها بقلبي بحطها بايدي
لا نيزك لا مخلص بختار الحياة

خيار الحياة هو خيار الصراع
إسقاط لكل مبررات الانصياع لكل مسببات الانتحار
من باب تفوق الحرية عالامل واليأس معاً
مش انه الأمل قوة واليأس وهن
ما فيه نشوة بجنة عدن ما فيه متعة بالأبد بتعيش
باللحد بنفيق بنكون بنشبه حالنا
بيزول الرابط بين كامل جزيئاتنا
بتتوزع أحلامنا عالكوكب والمجرة
والكوابيس ايضاً
للكون مكشوف بسري بالكون مربوط بسرّة
الحرية نتعرى من جوا
وكله بينضح برا
فن القتال باختيار الحياة هو عرجة الصمود
ومعدة لتمتص كدمات الظروف
ورجل تعطي دفع لتسدد لكمة حرة
ضغطها من الجذور