Video Familie Pingitzer de Alan Tham 2025 Lyrics Lyrics

Alan Tham - Familie Pingitzer Lyrics

[Songtext zu „Familie Pingitzer“]

[Strophe 1]
Waun i, wos jo net oft vuakummt
Am Tog vuaher an Rausch ghobt hob
Und mi ausschlofn mecht, nocha geht des net
Weu de oide Pingitzer in d' Stiagnhaus
Ihrn Maun no nochschreit, dass er sei Gablfrühstück vagessn hot
De Stimm von dera reißt an Bärn aus'n Winterschlof
Daun läuts bei mir an und fragt
Ob s' amoi telefoniern derf, und dann dazöhts ihra Schwester
Stundenlang, wos gestern beim Dokta los woa

[Strophe 2]
Z'Mittag kummt erna Bua, da blade Alois
Zum Essn ham, und im gaunzn Stiagnhaus
Stinkts noch'n Zwiefe, weus scho wieda a Gulasch kocht
Da Oide kummt a ham und dazählt von da Hockn
Und dann sogt da blade Alois, dass eam de Hosn z'kla wuan is
Darauf er, da Oide: „Na, daun friss hoit net so vü“
Oba sie, de Pingitzer, sogt eam am Kopf zua
Dass er ois Bua genauso vafressn woa
De Pingitzers san a nettes Ehepoar

[Strophe 3]
Auf d'Nocht, beim Fernsehn, und des tans jedn Tog
Is ollaweu no ka Ruah
Im Wohnzimmer sitzt er, da Pingitzer, mit sein bledn Buam
Und streit se, wöches Programm sa se auschaun woin
Da Alois wü zum Beispü in Kommissar segn
Da Oide in Sport, weu heit Rapid gegn Benefica spült
Und weul er ein Rapid-Anhänga is
De Oide wascht in da Kuchl 's Gschirr o und schreit:
„Geh Oida, sei net so a Narr“
De Pingitzers san ja so ein nettes Ehepaar