Video Raitachas Na Tairngreacht de Danu 2024 Pop Lyrics

Danu - Raitachas Na Tairngreacht Lyrics

Aréir is mé go tláth lag, go tabhartha tnáite in easpa chirt
Sea dhearcas ag teacht i mo láthair an bhean dob áilne fionnachruth
Bhí gruaig a cinn go búclach buí ina slaoda síos go talamh léi
Is le glór a béil gur bhuail sí an draíocht ar cheolta sí na Banban
Is a chlanna Gael na n-árann, sin é ráiteachas na tairngreacht

Tiocfaidh aon-mhac phrionsa an chomhraic gurb ainm dó siúd Bonaparte
An tImpire is an Spáinneach ag cur gárda leis go hAlbain
Ní bheidh siúd choíche sásta le háitreabh Rí na Sacsan a fháil
Gan buachan cruinn le faobhar a gclaíomh go mbainfidh díol a n-athar dóibh
Is a chlanna Gael na n-árann, sin é ráiteachas na tairngreacht

Tiocfaidh cabhair agus fuaim orainn, is béim go léir haiteasach
Agus glaofaim' ar ár gcúnamh chun dúbailt' ins na rainceanaibh
Agus séidfim 'adharc is biúgal, galltrump' ar dtús an chatha amuigh
Beidh smáil is bleást an phúdair ag baint smúit as croíthe na Sasanach
Is a chlanna Gael na n-árann, sin é ráiteachas na tairngreacht

Le linn dul as an bpáirc daoibh, bainí go leir bhur hataí dhaoibh
Is guí chun Muire Máthair an lá do dhul ar Ghall-phoic
Beidh sagairt, easpaig, bráithe is an Pápa ceann na heaglaise
Ag guí chun Dé gach lá le fonn an fán do chur ar Shasanaigh
Is a chlanna Gael na n-árann, sin é ráiteachas na tairngreacht
1