Video Bleacher Lassie O Kelvinhaugh de Dick Gaughan 2024 Lyrics Lyrics

Dick Gaughan - Bleacher Lassie O Kelvinhaugh Lyrics

As I gaed out on a fine simmer's evenin
A-walkin doun by the Broomielaw
It wis thair I spied the fairest lassie
She'd cherrie cheeks an a skin like snaw

Says I, "My lassie, is it you that wanders
All alane by the Broomielaw?"
"O, indeed, kind sir, it's the truth I'll tell ye
I'm the bleacher lassie on Kelvinhaugh"

"O lassie, lassie, dae ye remember
The ships that sailed doun the Broomielaw
An the sailor laddie wha nou admires
The bleacher lassie on Kelvinhaugh?"

"O laddie, laddie, I weill remember
The ships that sailed doun the Broomielaw
But the sailor laddies thae aye got tipsy
Wi the bleacher lassie on Kelvinhaugh"

"O lassie, lassie, will ye gang wi me
An A'll cleid ye up in fine satins braw?"
"O indeed, kind sir, I maun plainly tell ye
I've a laud o my ain an he's faur awa"

"Tis seiven lang years sin a loued a sailor
Tis seiven lang years sin he's gaed awa
Aye, but anither seiven seiven I wad wait upon him
An I'll bleach my claes here on Kelvinhaugh"

"O lassie, lassie, ye hae been faithfu
An ye've thocht on me whan I'm faur awa
Twa herts will surely be rewardit
We'll pairt nae mair here on Kelvinhaugh"

An it's this couple, thae hae got mairriet
An thae keep an alehous atween thaim twa
An the sailor laddies thae aa gang drinkin
At the bleacher lassie's on Kelvinhaugh