Video Pesa de Elena Ledda 2025 Lyrics Lyrics

Elena Ledda - Pesa Lyrics

Deo so una este pro a tie
Pone sa pedde tua supra sa mia

Cantu b'inde cheret piantu
Làgrimas de oro non ti faghen re
Mere de 'onzi piaghere
Est sa meighina chi sanat a tie

Beni in cust'amore pro una notte ebbia
Mira in custos ojos su destinu tou

Semus sa zente chi andat
E chena si pasare mai
Craos de bentu craitau
Supra su passu tou

Beni in cust'amore pro una notte ebbia
Mira in custos ojos su destinu tou

Fizos de Ispagna sas intragnas chi suent s'aria 'e su Magreb
Pedulianas pius galanas de janas in sa jaga tua

Pesa una oghe pro a mie
Move su passu tou supra su meu

Canta, sos fiancos pintan
Sonos e colores
İn manos e in pees
Tuddas chi non codiant nudda
Curren a s'infrenu sos sentidos mios

Pesa e non ti firmes coro meu, inte'!
Sona ca custu tempus chi non colet pius

Ca su disizu est fizu
E naschit dae sas laras tuas
E nois semus su sonu galanu
Meres de sa mùsica

Supra sos carros lentolos
Nuscos de s'Asturias
Chin sos pilos pintados
D'henné e ojos de s'Africa

Fizos de Ispagna sas intragnas chi suent aria 'e su Magreb
Pedulianas pius galanas de janas in sa jaga tua

Benit sa note in su nieddu
S'isteddu lughet che a nois
Tènemi in manu, est luegu
Manzanu e s'amore fuet