Video Haore Vleger Vluug Weer de Ge Reinders 2025 Lyrics Lyrics

Ge Reinders - Haore Vleger Vluug Weer Lyrics

Wie hae de kienjer truuk brach, lachde zuuj, zo wie ze allang nimmeer gelache had
En hae waar eigenlik kwaod det t'r weer mós gaon ómdet t'r aafgesjpraoke had in de sjtad
's Aoves in bed dach t'r det det nuuj rood laere jeske häör zo sjoon sjting
En 't sjtook 'm helder den d'r ooit hel op zegke kós det 't häör noe zo good ging
Want
Zuuj haet 'n laeve sónger hem
Zuuj rent neet achter jónger men
Zuuj, zuuj zingt weer in 'n koor

Häöre vleger vluug weer, Ze haet häör laeve op 'n rie
Häöre vleger vluug weer, Ze telt noe weer veur drie
Häöre vleger vluug weer, Zuuj is de pien veurbie

Nao 'n huwelik van zo'n veerteen jaor zoot det goud óm dae vinger 'm väöl te krap
Hae zag: "'t Blief toch maar behelpe thoes, en die greun blaedjes verwelke mich väöl te rap"
En noe kinne zien kienjer 't gelökkig toch weer good vinje mit dees nuuj vriendin
Eine keer waar 't zaat toen zag t'r zaach: "eigenlik ós inj is allein veur häör 'n nuuj begin"
Want
Zuuj werkt weer half in 't óngerwies
Zuuj geit weer gans veur de baovepries
Zuuj, Zuuj kint weer door

Häöre vleger vluug weer, Ze haet häör laeve op 'n rie
Häöre vleger vluug weer, Ze telt noe weer veur drie
Häöre vleger vluug weer, Zuuj is de pien veurbie

En 't sjtomme is det zuuj zelfs noe mit hem door zów wille gaon
As ter 't maar fatsuunlik vroog
Maar zów hae häör ooit zo in de kaaj höbbe laote sjtaon
As 't allemaol zo simpel loog?

Nae:
Häöre vleger vluug weer, Ze haet häör laeve op 'n rie
Häöre vleger vluug weer, Ze telt noe weer veur drie
Häöre vleger vluug weer, Zuuj is de pien veurbie