Video Et Jeiht Immer Om Et Jeld de Hohner 2024 Lyrics Lyrics

Hohner - Et Jeiht Immer Om Et Jeld Lyrics

Ach wat wör dat noch ens nett, wemmer nit för alles zahle möht
Doch inzwesche zahlste och för dat, wat dir schon längst jehööt.
För dat Jeld op dingem Sparbooch - för et Wasser, Luff un Leech
Do bezahls, dat do jesund blievs - un wenn do krank wes zahlste eets rääch

Et jeiht immer öm et Jeld - et jeiht immer öm die Knete
Denn et Jeld rejiert die Welt - ohne Cash bes do ne Niete!
Et jeiht immer öm et Jeld - et jeiht immer öm dä Zaster
Un wenn dir dat nit jefällt - fällste einfach durch et Raster! Basta!

Do bezahls för ding Pänz, wenn die spille en dr freien Natur
För't Spazierejon un för de Taxe en dr Kur
Do bezahls öm jet zo hüre - do bezahls för jet zo sin
Wenn do jlöuvs do muß nit löhne - küsste och nit en dr Himmel erin

Et jeiht immer öm et Jeld - et jeiht immer öm die Knete
Denn et Jeld rejiert die Welt - ohne Cash bes do ne Niete!
Et jeiht immer öm et Jeld - et jeiht immer öm dä Zaster
Un wenn dir dat nit jefällt - fällste einfach durch et Raster! Basta!

Do bezahls wenn et dir jot jeiht
Un eets rääch en dr Nut
Do bezahls för ding Jlöck
För et Levve un dr Dud
Do bezahls för ding Fähler
För die Liebe un för Sprit
Do bezahls för Spass un Freud -
un am Engk och he för dat Leed!

Et jeiht immer öm et Jeld - et jeiht immer öm die Knete
Denn et Jeld rejiert die Welt - ohne Cash bes do ne Niete!
Et jeiht immer öm et Jeld - et jeiht immer öm dä Zaster
Un wenn dir dat nit jefällt - fällste einfach durch et Raster! Basta!