Video Moods Of Kirtan Siksastakam de Kindred Spirit 2024 Lyrics Lyrics

Kindred Spirit - Moods Of Kirtan Siksastakam Lyrics

Ceto-darpaṇa-mārjanaṁ
Bhava-mahā-dāvāgni-nirvāpaṇaṁ
Śreyaḥ-kairava-candrikā-vitaraṇaṁ
Vidyā-vadhū-jīvanam

Ānandāmbudhi-vardhanaṁ prati-padaṁ
Pūrṇāmṛtāsvādanaṁ
Sarvātma-snapanaṁ paraṁ vijayate
Śrī-kṛṣṇa-saṇkīrtanam

Nāmnām akāri bahudhā nija-sarva-śaktis
Tatrārpitā niyamitaḥ smaraṇe na kālaḥ
Etādṛśī tava kṛpā bhagavan mamāpi
Durdaivam īdṛśam ihājani nānurāgaḥ

Tṛṇād api sunīcena
Taror api sahiṣṇunā
Amāninā mānadena
Kīrtanīyaḥ sadā hariḥ

Na dhanaṁ na janaṁ na sundarīṁ
Kavitāṁ vā jagad-īśa kāmaye
Mama janmani janmanīśvare
Bhavatād bhaktir ahaitukī tvayi

Ayi nanda-tanuja kiṅkaraṁ
Patitaṁ māṁ viṣame bhavāmbudhau
Kṛpayā tava pāda-paṅkajasthita
Dhūlī-sadṛśaṁ vicintaya

Nayanaṁ galad-aśru-dhārayā
Vadanaṁ gadgada-ruddhayā girā
Pulakair nicitaṁ vapuḥ kadā
Tava-nāma-grahaṇe bhaviṣyati

Yugāyitaṁ nimeṣeṇa
Cakṣuṣā prāvṛṣāyitam
Śūnyāyitaṁ jagat sarvaṁ
Govinda-viraheṇa me

Āśliṣya vā pāda-ratāṁ pinaṣṭu mām
Adarśanān marma-hatāṁ karotu vā
Yathā tathā vā vidadhātu lampaṭo
Mat-prāṇa-nāthas tu sa eva nāparaḥ