Video Lungoland de Querschlager 2025 Lyrics Lyrics

Querschlager - Lungoland Lyrics

An ettla de håmb glei vakaft
an ettla håmb no gwåcht
åba båld håmbs ålle ibarissn
daß da zug schoa lång fåcht
de ami håmb an haufn zåhlt
fi jedn stoa und stock
und wån de zeit nid går ra guat is
is de pfoat nachnda wia da rock
am letztn tåg då håmma foto gmåcht
fi de enkekinda r amål
a foto va da klåräpfebam
und a foto van ståll
mia send no iban tauang gfåhrn
åba i hån neama hintagschaut
nåch ins send de bagga kema
und håmb es lungoland baut
lungo lungoland
lungo lungoland
jeder liebt und jeder kennt
lungo lungoland
es håmb ålle årbat kriagt
braucht neampt mehr stempen geah
und de häusa wås se fi ins baut håmb
de send ångla schea
mia kinnan durchn tunndl fåhng
es is nid amål so weit
und wånn mei bua de gleiche schicht håt
nåchand fåhng ma zu zweit
i måch hiatz de speschl effects
ba da preabasea-animation
und mei bua is chef va da
mosermandl-hologrammprojektion
es lungoland is a sensation
fechtn håm ma s disneyland übahoit
de aktien steignt fåst jedn tåg
und da lungo-rube rollt
lungo lungoland....
oft wånn i nid schlåfn kå
geah i ålte foto oschaun
nåchand gspia i s loch tiaf in mein hechz
und es wåssa in meine augn
wås vabei is is vabei
da hilft koa groan und graan
wås vabei is is vabei
du kånnst de zeit neama hintadrahn
lungo lungoland........