Video Seigneurs Sachiez Qui Or Ne Sen Ira de Rene Zosso 2024 Lyrics Lyrics

Rene Zosso - Seigneurs Sachiez Qui Or Ne Sen Ira Lyrics

Seigneurs, sachiez qui or ne s'en ira
En cele terre ou dieu fut morz et vis
Et ki la croiz d'outremer ne prendra
A paines mès ira en paradis
Qui a en soi pitié ne remembrance
Au haut seigneur doit querre sa venjance
Et délivrer sa terre et son païs

Tuit li mauvais demorront par deça
Qui n'aiment dieu, bien ne honor ne pris
Et chascuns dit: a fame, que fera?
Je ne lairoie a nul fuer mes amis
Cil sont cheoit en trop fole atendance
Qu'il n'est amis fors que cil, sanz doutance
Qui pour nos fut en la vraie croiz mis

Or s'en iront cil vaillant bacheler
Qui aiment dieu et l'honeur de ces mont
Qui sagement vuelent a dieu aller
Et li morveus, li cendreus demorront
Aveugle sont, de ce ne dout je mie
Qui un secors ne fet dieu en sa vie
Et por si peu pert la gloire du mond

Douce dame, roïne coronee
Priez pour nos, vierge bone heüree!
Et puis après ne nos puet mescheoir