Video Sutte Su Sole de Tazenda 2025 Lyrics Lyrics

Tazenda - Sutte Su Sole Lyrics

Sutt’e su sole reposant sos eroes

ch’ant dadu a su mundu

calicosa de prus

de una simplitze vida :

una vida simplitze

fatta ‘e fattos e pocas paraulas.

Sutt’e su sole reposant sos ladrones

chi nos ant lassad’ istorias ‘e malatrassa,

chi nos ant lassad’ istorias e ‘malasorte

e ant perdidu oras pretziosas che oro.


Sutt’e su sole, sutt’e su sole

sutt’e su sole, sutt’e su sole.

Under the sun, under the sun.


Sutt’e su sole una missa pro sa gherras

in lumen ‘e sa Bibbia,

in lumen ‘e su Corano,

rios de sambene, mares ‘e dolore,

lagrimas e anneos,

muntones ‘e rena.

Sutt’e su sole pranghent sas rughes

‘e unu piscadore, ‘e unu marineri,

pranghet una cria

e una femina mala

chin su coro in manu o chin su male in coro.


Sutt’e su sole, sutt’e su sole

sutt’e su sole, sutt’e su sole.

Under the sun, under the sun.


Sutt’e su sole li ‘idimus sos ammentos

fizos ‘e su tempus

e de sa nostalgia,

faeddamus pianu,

faeddamus pacu

de sa vida nostra

e de su misteriu ‘e Deus.


Sutt’e su sole una die ‘e sant’andria

amus a passare a un’atera vida

e cada die amus a esser in pache

e amus a ballare,

oppressos e oppressores.


Amus a ballare, mortos e mortores,

amus a ballare, servos e barones,

amus aballare, candelas e frores

sutt’e su sole.


Sutt’e su sole una die ‘e sant’andria

amus a passare a un’atera vida

e cada die amus a esser in pache

e amus a ballare,

oppressos e oppressores.



Amus a ballare, mortos e mortores,

amus a ballare, servos e barones,

amus aballare, candelas e frores

sutt’e su sole.


Amus a ballare, mortos e mortores...