Video Loere Nao T Plefong de Ziesjoem 2024 Lyrics Lyrics

Ziesjoem - Loere Nao T Plefong Lyrics

och wat woar 't gezèlleg, ach waor 't weer fijn
veer troffe us weer waore oonderein
de ein nao de aander reep: Sjöd nog 'ns in!
euzen doors dee heel vol, euzen doors dee heel pin

veer droonke en zoonge, veer hadde plezeer
de ganse zaak sjoenkelde op en neer
meh obbins waor 't stop, iech voolt aon miene kop
'nen hamel dee howde miech drop

noe ligk iech weer orelaank te loere nao de plefong
't menneke mèt d'n hamel howde zoonder pardon
iech kom neet mie boete, nein vendaog zeen iech neet de zon
vendaog ligk iech orelaank te loere nao de plefong

gerommel, getrommel, trammelant in de maog
pak e pèlke, dat höllep, meh neet vendaog!
bin op zeuk nao gèt water, griep neve de fles
mien linkoug kiek in mien rechtertes

toch evekes optsoon, kroep laangsem oet bèd
mieljaar dat is leistig, mien bein doen neet mèt
meh daan is 't weer stop, iech veul aon miene kop
deen hamel dee howt miech weer drop

daan ligk iech weer orelaank te loere nao de plefong
't menneke mèt d'n hamel howde zoonder pardon
iech kom neet mie boete, nein vendaog zeen iech neet de zon
vendaog ligk iech orelaank te loere nao de plefong