Video Una Per Te de Alanu Di Meglio 2025 Lyrics Lyrics

Alanu Di Meglio - Una Per Te Lyrics

À l'informa d'un alba
O l'alba d'una forza
Accampendu issi turri
Arritti di certezzi
Da u me stintu umanu
Porghju solu parè
Aghju una Corsica par tè

For' di i mughi più scuri
Ma di l'abbracci veri
Senza muri mucati
Da l'inchiostri più neri
In a fola intricciata
Senza sudati o rè
Aghju una Corsica par tè
(Una per tè)

Da l'antichi Ragguagli
À l'uscii di u Sittanta
Ti conta Pesciu Anguilla
Amadeu lu Turcu
Ni sà centu è po'una
Da francà l'oimè
Aghju una Corsica par tè

Hè quidda di u sulcu
Chi tira a lenza para
U soli candiddighja
Da lacrimi in sudori
Senza vanti né fumu
Di stantu è di vulè
Aghju una Corsica par tè
In li so risi chjari
O li so raspi amari
Da San Ghjuvà li fochi
À sti vaghjimi bruschi
Da li sciaguri anziani
À l'or di i piacè
Aghju una Corsica par tè
(Una par tè)

Hè quidda chi ti chjama
Da li so ribbi apparti
Chi ti canta à l'avvena
I so ghjusti rivolti
Una chi era è fu
Chi sarà è chi hè
Aghju una Corsica par tè.