Video Winteroavend In De Snije de Alex Vissering 2024 Lyrics Lyrics

Alex Vissering - Winteroavend In De Snije Lyrics

Menuut noa menuut veraandert licht, veraandert kleur
De schare van de bomen, de schare van mien haand
Terwiel dat n weergod zien veurjoar bandiest
En achterthuus in t westen stoat de locht in braand

Refraain I:
Dat binnen dij körde doagen dat elkenain de zummer wil
Himmelsblaue kolle doagen, alles vannijs weer nije
En as de meertmoand twiefelt, twiefelt of e deu is
Din dreum ik stiltjes van een winteroavend in de snije

Dag veur dag worden doagen menuten langer
Swaade kraaien zuiken sloapstee in n rosseg rooie glout
Ik stoa hier noast n snijpop in de schare van t hounderhok
Ik droag nije mutse, de snijman n olle houd

Moand veur moand verstriekt, dr wot plougt en dr wot vluikt
Miljarden zunnestroalen taiken de wereld mooi en maal
Mor af en tou, zo oaf en tou, op n moandag- of n dinsdagmörn
Dreum ik dat gainaine t heurt, n hail aander verhoal

Refraain II:
Dat binnen dij laange doagen dat t volop zummer is
Himmelsblaue laange doagen, alles is weer nije
En as de heumoand twiefelt, twiefelt of e zummer is
Dreum ik stiekom van een winteroavend in de snije