Video Fil Sama de Amir Eid 2025 Lyrics Lyrics

Escucha la música Lyrics más popular de Amir Eid y otros artistas en línea. Disfruta de las mejores canciones de 2025 en Musicas-Cristianas de música en línea. ¡Encuentra tu canción favorita y escúchala en cualquier momento y en cualquier lugar!

Blest Julissa Daniel Calveti Abel Zavala Christine D'Clario Lilly Goodman Danilo Montero Tercer Cielo

Video Fil Sama » Amir Eid Letra

INICIO Amir Eid Fil Sama

Amir Eid - Fil Sama Lyrics

[المقطع الأول: زاب ثروت]
الحفلة زحمة مليانة وشوش كتير اعرفها
خيلان و عمام و اسامى لسه صعب انطقها
عشرة و محبة واضحين مبين الناس حواليه
بيقولو ده عيد ميلادي الحفلة ديه معموله ليا
مبين كتير هداية كان جواب مبعوت لإسمى
مكتوب عليه بخط امى لحبيبى ابنى
طب ليه جواب ما انتى دايماً جنبى طول الوقت
بلاش لماضة بقى افتح جوابك لو سمحت
قالتلى فى الجواب كل سنة وانت زيى
ما انت جوه قلبى فى المكانة ملكش زيي
تكبر و اشوفك زى ما انت عايز تبقى عايز
كده او كده حبيبى و لكلام جوابى حاسس
و كبرت اكتر و سنينى زادت عن صوابعى
عصبى و صوتى عالی أمى خافت يبقى طبعى
فقالتلى يا ابنى خلي بالك دايما من كلامك
الكلمة سيف يا تقل منك يا تزيد مقامك
و فى يوم رجعت من المدرسة متبهدل مـ التراب
و سألت إزاى الغدر ممكن يجى مـ الصحاب
و حكتلها الخناقة و سمعتني بكل صبر
و قالتلى لما تهدى ابقى اقرأ من أول سطر
كانت كتبالى جواب عن الصحاب و الجدعنة
و قالتلى اختار الي يقول احنا بدل ما يقول أنا
و اعرف ان الصحاب لا بالكترة ولا بالعدد
في الشدة هما اتنين تلاتة عليهم تعتمد
[اللازمة: أمير عيد]
فى السما بشوفك لما الدنيا بيا تضيق
و فى الليل بحكيلك عن كل قديم و جديد
فى غيابك دايما جنبى
كلامك محفور فى قلبى
رسالتك مش بس كلام
رسالتك إنسان أكونُ

[المقطع الثاني: زاب ثروت]
و كبرت اكتر
و الدنيا كبرت اكتر بيا
وبدأت أحس جوة منى إحساس جديد عليا
فحكيتلها عن أحلى بنت
فى الجامعة كلها
وصفتها لأمي قلت مشفتش زيها
مش عارف أقولك إيه بس شكلى بحبها
قلتيلي احكيلي عنها اكتر قولى اسمها
مش عارف
و متضحكيش عليا انتى كمان
متسرع على طول مدلوق من صغرى من زمان
فقالت لي اهم حاجة لما تحب لازم تقدر
تعرف قيمة حبيبتك و لأحلامها اياك تكسر
و متستعجلش
قول الكلمة لما تحسها
و اوعاك تخبى عنها حاجة دايما قولها
عدت سنين كتير و شوفتى ولاد ولادك
رغم الفراق ما بينا عمر ما عيد ميلادى فاتك
بتجيلى فى كل فرحة و بردو لما تضيق عليا
أنا مش مصدق انى عمرى ما شوفتكيش بعنيا
ربي اختارك تكوني جنبه و انا لسة فى اللفة
اكيد مكانك أحلى وأنا مبسوط لك أنتي عارفة
فكتبتى ليا لوحدى يجى ألف جواب و قصة
بتحاولى تعوضينى عن اللى فاتنى و اللى لسة
بس انتى بتوحشينى
و بتمنى تكوني قربي
طول عمري بحس بيكى
فكان نفسى تحسى حبى
سمعانى اكيد يا امى
و اكيد كمان شايفانى
لو مش شايفك بعينى فقلبى شايفك من مكانى
[اللازمة: أمير عيد]
فى السما بشوفك لما الدنيا بيا تضيق
و فى الليل بحكيلك عن كل قديم و جديد
فى غيابك دايما جنبى
كلامك محفور فى قلبى
رسالتك مش بس كلام
رسالتك إنسان أكونُ