Video Mat El Kalam de Amir Eid 2025 Lyrics Lyrics

Amir Eid - Mat El Kalam Lyrics

[المقطع الأول]
الشتا اللي فات
إبتدا السباق
وسط الديابة الجعانة والكلاب
طريق إجباري والرجوع ممنوع
ومافيش مكان للذل والخضوع
بعت القضية وهقول حرية
صوتي صوت الحق يعني الأغلبية
أحسن لي إني أموت ولا إني أعيش معاكم
أحسن لي أقطع رجلي قبل ما تمشي على هواكم
طظ في كلامكم، طظ في أيامكم
أنا الكابوس اللي في وسط أحلامكم
أنا الحقيقة اللي ما يعرفهاش أمثالكم
أيوة أنا

[اللازمة]
مات الكلام وإنتهى
ذوق عافية، الحلم إبتدا
مات الكلام وإنتهى
ذوق عافية، الحلم إبتدا

[المقطع الثاني]
دايقين المر من زمان
مافيش حقوق ولا في إنسان
صنعتوا الجهل وغيركو بيستغله
ما فهمتوش الدرس ولسه بتستمروا
عيشتونا حياة مش آدمية
وسط عقولكو القديمة المصدية
والإعلام في الظيطة سرحان
تطبيل ليل ونهار شغال
إحنا التجارة وإنتو الشطارة
شوف الفاصل هتفهم العبارة
إحنا البداية وإنتو النهاية
ويمين شمال هنكمل الحكاية
[اللازمة]
مات الكلام وإنتهى
ذوق عافية، الحلم إبتدا
مات الكلام وإنتهى
ذوق عافية، الحلم إبتدا

[المقطع الثالث]
عيون خبيثة، عيون لئيمة
بيقسمونا زي الغنيمة
كدب كتير تبرير
غيروا المنطق والتفسير
كل واحد لابس وش
بيتاجر بينا وبيغش
شعب بحاله بيعاني
مش لاقي كلام يوصف بيه ولا معاني
أنا بلدي مكانها مش هنا
يا ترجع تاني يا إما أموت أنا

[اللازمة]
مات الكلام وإنتهى
ذوق عافية، الحلم إبتدا
مات الكلام وإنتهى
ذوق عافية، الحلم إبتدا