Video Kaminhada de Nubru 2024 Lyrics Lyrics

Nubru - Kaminhada Lyrics

N stába insértu kunhisimentu o kapital
N'un kaminhu kubértu di propósta surial
Más éra óra sértu pa ser transendental
Dexa kaminhu abértu pa kel ki ta torna-m imortal
N sabi baréra ê txeu N kumesa luta ku fé
Mi N ten kel benson di séu ki ta pon undi N kre
Y es idial dimeu ku sertéza ka ta da kafé
Mi N ta mánda pa leleu, tudu kes ki aji di má-fé
Ingána kenha ki atxa ma N sta n'es luta pa tronu
Ami N prendi ku Batxa, ma rap ka ten dónu
Ma ten txeu muralha ántis di un fin rizónhu
Mé so ku txeu batalha pan atinji nhas sónhu
Obistákulu bira digrau pan subi la riba
N sa kaminha pásu a pásu pan ka dezikilibra
N'es grandi spetáklu N sa ben luta ti finda
N sa ben viája pa palku k'un pasáji so di ida

Nha kantiga (nha kantiga)
Djuda-m ánda (djuda-m anda baby)
Kada bes kin átxa séu sen lua
Nha kantiga (nha kantiga)
Ta da-m ása (ta da-m ása baby)
Pa txiga séu sta fálta txeu pan vua
Ê nha kaminháda

Es fla-m kori pa gostu nha irmon bu ka ta kánsa
Infrenta bus monstru obijetivu bu ta alkánsa
Bu ten ki sta dispostu a meti mo na mása
Bu kre ser inkostu o bu kre fazi mudánsa
Batxa fla-m séu ê grandi nos tudu nu podi brilha
Ten un so majestádi na kaminhu ki nu s'ta trilha
N pega na es frázi N usal sénpri komu nha gia
Supera tudu es fázi N ultrapása nhas fubia
Txeu akontesimentus ki mi Bruno N vivi ónti
Oji ê ensinamentus ki s'ta sirbi-m di pónti
Da gás a nha kresimentu amplia nha orizónti
Duranti es andamentu N sta ben bebi y ser fonti
N prendi ka kunfia kuzas a pisôas erádu
K'es ki s'es mo es rikuza N ta flá-s un obrigádu
S'es náu stimula un forsa kin tinha guardádu
N sa dislunbra ku tudu kin ten alkansádu

Nha kantiga (nha kantiga)
Djuda-m ánda (djuda-m anda baby)
Kada bes kin átxa séu sen lua
Nha kantiga (nha kantiga)
Ta da-m ása (ta da-m ása baby)
Pa txiga séu sta fálta txeu pan vua
Ê nha kaminháda