Video Volta Ser Kriansa de Nubru 2024 Lyrics Lyrics

Nubru - Volta Ser Kriansa Lyrics

Mi sa lenbra kel fázi kin ta kria serba adultu
Tinha kuriozidádi infinitu pan fazi tudu
Un jigantêsku vontádi pan sai ta konxi mundu
N tene txeu sodádi ê sa aumenta káda sigundu
Grándis mumentus N ka sabia kuzê ke pára
Ê bons velhus ténpu ku kanéla xeiu pankáda
Ami sénpri irikiétu ku pineu y káru láta
Ê bons sentimentus N ta riba pa tudu y pa náda
N kre volta ser kriánsa undi mi éra siguru
Sen prublémas di konfiánsa, amizádi inpuru
Tene médu di enkára es nha vida di adultu
Ki sa xeiu di maskára y lus más inda na sukuru
N kre di volta nhas pé xeiu topáda
Ki ka ten komu doé mo nha kurason xeiu pankáda
N kre di volta tanbê kes rilason sen fakáda
Na fundu kuzê kin kre ê amor y más náda

[Refrão: Tochi]
N kre voltá pa nha inosénsia
Pa kel mundu májiku y kolorid
Kuand palávra amor tavá fazé mut más sentid
Es vida di adult ta xei di ilusão
Dzem paké (paké)
N tinha présa pa krescé

Sta ribobina la pa trás alguns ánus na pasádu
Brinkadera éra dimás ku nha pé diskalsádu
Sai mi ku nhas rapás djobi láta fazi káru
Kori sálta a todu gás ti óra dizénhu animádu
Kel sentimet d'ser éroi y kre fazé pa muda mund
Y não es frustasão di txa mund mudob y ter ki fiká mud
Ántis nu kria sérba ator gósi nu kre ser bandidu
Nu kre vida sen valor, vida sen nun konprumisu
Un vida sem valor sen nun lásu afétivu
Na fin ka ten vida so fálsu prazer di xinti vivu
Undi kel mundu májiku ki mi N ta konxeba?
Aí si ténpu ta koreba
Tudu májia, tudu brilhu ténpu dja ka leba
Resta so lenbránsa kuluridu ke pan lenbra

N kre voltá pa nha inosénsia
Pa kel mundu májiku y kolorid
Kuand palávra amor tavá fazé mut más sentid
Es vida di adult ta xei di ilusão
Dzem paké (paké)
N tinha présa pa krescé
yeah yeah yeah
Oh oh oh
N kre voltá ser kriánsa yeah