Video Zeet De Jongs de Boh Foi Toch 2024 Lyrics Lyrics

Boh Foi Toch - Zeet De Jongs Lyrics

Zeet de jongs an de teke staon
Zeet ze 't bier achteraover slaon
Waogt nog neet op de bane gaon
Want 'n deerntjen vraogen is eur niks gedaon

Um acht uur fenk dat dansen an
't Orkest spölt wat 't kan
De vrouwleu danst al mooi verdan
Op de bane zee'j gin enkelen man

Beernd te Brinke henk daor an den tap
Hee pröt tevölle en hee lolt te slap
Ziene ogen laot gin deern met röst
Maor vanaovend lig hee wel alleen in 't eigen nös

Gradus Hannink van den hogen es
Hee veult nao vieftien bier zich opperbest
At hee endelek wil dansen gaon
Kan hee jao neet meer op de bene staon

Marieken van Klein Lenderink den zöch hier sjans
Met Jan-Willem, Beernd en Frans
Lonkend kik zee in 't rond
Maor de jongs ligt straalbezoppen op de grond

't Mooiste deerntjen van het hele bal
Is Annemieke van den baovenstal
Mooie bene, börste, billen, boek
Is 't gek a'j zowat zeet, da'j ow in 't bier versloekt

At 't orkest zien instrumenten pakt
Dan wördt nog haeveg deur ezakt
Maor an 't dansen kump no schluss
En de jongs gaot wieter met eur vri-jgezellenblues

Muziek: Landry, Tekst: Keuper.