Video Gradus Jehan de Boh Foi Toch 2024 Lyrics Lyrics

Boh Foi Toch - Gradus Jehan Lyrics

Gradus Jehan
Ne heel ampatten keerl
Hee ston aoveral veuran
Gradus Jehan
Jao den kon der wal wat van

Zalte herings bi-j den viskraom
Jao daor ko'j 'm zowat neet wegslaon
En wodden der in de buurte kraom-e-schud
Dan leep de jenever 'm de ogen uut
Want onzen Graads Jehan
Ston aoveral veuran

Gradus Jehan
Kreeg te völle van van alles
En te völle is neet good
Gradus Jehan
jao den zop zich hallef dood

Bi-j 't volksfeest ston e veur 't orkest
Hee was nog nooit zo zat ewes
Hef alles bi-j mekare ereert
Wat hebt ze 'm too toch af esmeerd
Maor ne zatten Graads Jehan
trök zich dat neet an

Want 't wodt toch nooit meer wat 't is ewes
Onzen Gradus wis dat zellef toch 't bes
Dat hee 't toch zo wiet leet kommen
Ach da kon 'm niks verdommen

Zien harte slog 'm veur de grond
Hee tollen nog effen in 't rond
En wee 'm vrogger neet zag staon
Is toch maor naor de karke egaon
Want daor ston Graads Jehan
weer helemaol veuran