Video Treins Nemt Met Treins Brengt An de Boh Foi Toch 2024 Lyrics Lyrics

Boh Foi Toch - Treins Nemt Met Treins Brengt An Lyrics

De welt was klein, an alle kant
Lei in eslotten 't boerenland
Verstopt achter de zumpe, achter 't brook
Daor lei den olden Achterhook

Zo wied eweg was Amsterdam
En wee-t daorvan weerumme kwam
Had veur 't laeven praot genog
Was feitelek veur den tied te vrog

Maor deurgaon dei 't, neet stille staon
De hekkens wodden los edaon
De steernekiekers zaggen rook en vuur
In de middewinternacht um twaalf uur

Een iezern peerd met groot geweld
Gong stampend en dampend deur 't kale veld
Deur 't Reurlse brook, deur 't Corlse vaen
Van Zutphen gong 't naor Wenters hen

Treins nemt met, treins brengt an
Draagt ons in de grote welt
Gaot met ons naor huus op an
Treins nemt met, treins brengt an

Den stoom is manges lange vot
Gin Sik meer wee-t nog dauwt of stöt
De Blauwe Engels hebt gedaon
En wanneer zol dan endelek den Buffel gaon

Den helen kraom löp mooi op tied
De leu komt hier van wied en zied
Dee Lint-treins hebt, ha'k jò haost ezegd
An alle kant de grenzen wied verlegd
De bussen sluut daor fijn op an
In den Achterhook kö'j altied verdan

Muziek: Boh Foi Toch, Tekst: Keuper