Video Che Triguenami de Duo Quintana Escalante 2024 Lyrics Lyrics

Duo Quintana Escalante - Che Triguenami Lyrics

Che trigueñami reke pukavýva
Yvoty apytépe neaño peteĩ
Rohayhu porãgui ag̃uahe nde ypýpe
Che mbaraka púpe romombaysemi
Nereimo'ãichéne aju jevyha
Si ya nde pochýma va'ekue chendive
Ndasufrimo'ãi la nde pore'ỹ
Ni la rejapova'ekue cherehe

Ndénte ikatúne nde resaraipa
Triste palabra ereva'ekue
Ha chéve siempre oñepresentá
Ahendu voínte la ne ñe'ẽ
Che resarai ndaipotái ere
Upévare aju romomandu'ã
Reikuaa hag̃ua la rohayhuha
Arojahe'o la ne ñe'ẽngue

Nemandu'ápa, dulce trigueña
De un día sábado ka'aru
Jerokyhápe jahajoárõ
Ha ndajuveima che nendive
Ha upéi domingo pyhareve
Pueblo rapére jajotopa
Aimo'a'ỹrenga mba'eve
Torypaitépe rosaludá

Ekirirĩnte ha che rasa
Ha upégui chéntema rosegui
Nde rapykuégui roñañuavo
Aporandu mba'épa rerosentí
Nde resay vaicha osyry
Erévo chéve mba'eveha
Jahupytývo yvyraguy
Japytami ñañemongeta

Che jopymívo nde pyti'áre
Che añuã ha che retumba
Erévo chéve entre suspiros
Ñane mborayhu ko'ápe opa
Ha en vez de ãicha che quebranta
Jajehejántena ojohegui
Si ndéniko rejuhúma
Rehayhuve va'erã chehegui

Upeguivénteko tesaýpe
Arosentí la ne pore'ỹ
La ambyasyetéva ko mundopýre
Nde mborayhugui che tyre'ỹ
Ya reikuaapáma la rohayhuha
Ha enteroite la che py'apy
Ndénte voi la che jararã
Trigueñitami, ani nde pochy