Video Mooi Grunnen Dat Is Mien Thoes de Age Van Der Velde 2024 Lyrics Lyrics

Age Van Der Velde - Mooi Grunnen Dat Is Mien Thoes Lyrics

Vekaanzie, noar t waarme zuden
Kovver staait al kloar
Mit vlaigtuug richten spoanse zun
Doar verlang ik noar
Vieftien doagen gain regen of störm
Mor blaauwe lucht en zee
k Wol net òfraaizen mit mien Stien
Tou zai hail zachies zee:

"k Blief laiver thoes, da's echt woar
k Huif gain spoanse zun
En as ik toch even poedeln wil
Doek ik wel in regentun
t Is mie te wied, t duurt mie te laank
k Blief laiver dicht bie hoes
n Dag noar Zoltkamp of Delfziel
Mooi Grunnen, dat is mien thoes"

k Wol moal geern op wintersport
Dat haar k nog noeit doan
k Haar ons n schiere raaize boukt
Ain dag rieden hier vandoan
Vattien doagen, snij in Tirol
Op de latten, evenpies van hoes
t Leek zo mooi wie mit zien baaident
Moar bie t òfraaizen begon t gezoes:

"k Blief laiver thoes, da's echt woar
In de snij vuil ik mie min
En as k doch wat ies zain wil
Kroep k wel vraiskist in;
t Is mie te wied, t duurt mie te laank
k Blief laiver dicht bie hoes
n Dag noar Zoltkamp of Delfziel
Mooi Grunnen, dat is mien thoes
n Dag noar Zoltkamp of Delfziel
Mien Grunnen, ik blief mooi thoes".