Video Kloas En Trien de Age Van Der Velde 2024 Lyrics Lyrics

Age Van Der Velde - Kloas En Trien Lyrics

Bie Kloas en Trien doar is t n boudel
Elk joar is t doar goud roak
Zodroa Trien n potje kregen het
Is der al weer aander in de moak
Tien joar traauwd, gelieke veul kinder
Kloas en Trien zai zitten nooit stil
Ze huiven nkander mor aan te kieken
As t baaident heurst poesten: "joa, k wil"

Kloas en Trien binnen aaltied bezeg
Op zolder, schiethoes, bèrrestee
Kloas en Trien blieven in bewegen
In keuken, toene en bie TV
Kloas en Trien zai maggen t zulfde
Van soavends loat tot smörgens vroug
Kloas en Trien zai nuimen t "fitness"
Noodzijnd op t biljart in kroug

Trien zai holdt van schiere lappen
Dragt aal kleuren van regenboog
Mor ze wait zok nait te klaiden
Lopt mainsttied mit heur rokken omhoog
Dat vint Kloas op zok hail pretteg
Poest en stìnt: "k hol van die"
Blift aal zien aandacht aan Trien schenken
Denkt stiltjes: "zo kin k der makkelk bie"

Kloas dij lopt ook geern te pronken
In pak mit strikke, op zien zundags dus
Op hom is ook wat aan te maarken
Hai lopt te voak mit boksem lös
Trien begunt stiltjes te laggen
Onder t smeren van n plak stoet
Ast heur aankikst zugst heur denken:
"Nog even, din gaait brouk weer oet"