Video Noeit Weer de Age Van Der Velde 2024 Lyrics Lyrics

Age Van Der Velde - Noeit Weer Lyrics

Soavends noa mien waark, aaltied mit bus noar hoes
t Ritje duurt zo n drij ketaaier
En din bin ik weer thoes
k Ston lest ook weer te wachten
Op bus bie t Zuderdaip
K Haar net leste buzze mist
Dou "Maal Elske" noar mie raip:

"Ik mout noar Beem, noar Beem, wilst zover mit
Ik goa doar noar mien Moeke tou en noar mien zuster Jet
Ik mou noar Beem, wilst mit, aans mou joe lopen"
Mor veurdak nee kon zeggen, haar zai deur al open

Trillend van zenen, stapde ik bie heur in
Zai fieterde der in ainen vandeur
En ik docht: "dij het zin"
Ik zee: "ik mout noar Tjuggem
Dat ligt vlakbie Tjamsweer"
Zai zee: "dat is mie wel bekend jong"
En t gas kreeg n ekstroa sneer

Mor Beem ligt nait bie Tjuggem
Dus ook nait bie Tjamsweer
En twij en haalf uur loater
Haar k het echt nait meer
"k Wil mit die snoetjeknovveln"
Zee dizze hampe-tamp
Ik zee: "ik wil der laiver oet
Doe bist ja n grode ramp"

Ik knidderde en knidderde
En ging tegen heur tekeer
k Heb mie nog noeit zo misselk vuild
Dit overkómt mie echt noeit weer
Nou soavends noa mien waark
Noeit weer mit bus noar hoes
Want ik heb mie n aigen auto kocht
En bin in n haalf uur thoes

"Gaaist doe mor noar Beem, mor ik rie noeit weer mit
k Wil nait noar dien Moeke tou of noar dien zuster Jet
En kom k die ooit weer tegen, het heurt meschain bezopen
Al wilst mie òfzetten bie mien deur, ik goa nog laiver lopen"