Video Veur Aaltied Piccardthof de Age Van Der Velde 2024 Lyrics Lyrics

Age Van Der Velde - Veur Aaltied Piccardthof Lyrics

Je lopen te koiern in Stadspaark
Bie campingbrug linksòf
Deur tunnel, laangs parkeerploats
Din zai je Piccardthof
As je t hek mit boog din binnen goan
Zai je d'hoeskes stoan
Je woanen je in t boetenlaand
Mor t is de Malusloan

Al roem fiefteg joar, stoan de hoeskes doar
Mit kruudhof, mouskerij
t Mooiste toencomplex van t Noorden
Mit joen schier woonderij

Van t haile laand is Piccardthof
Al joaren nummer ain
Klaain parredies, gelegen bie stad
Is n amateur-toenders-verainen
Drijhonderd hoeskes schier in de vaarf
De minsen binnen der blied
In schoul-vekaanzie is t aaltied feest
Van t joar, de mooiste tied

Jong of old, het moakt nait oet
Je vervelen dou je nait gaauw
Mit n bootje op t wotter, vis genog
Koarten en bingo in t clubgebouw
Ik hoop ain ding en dat main ik echt
Blief hail laank nog bestoan
Je binnen de muite zeker weerd
Ik wil der echt nait weer vandoan