Video Stem In De Wiend de Age Van Der Velde 2024 Lyrics Lyrics

Age Van Der Velde - Stem In De Wiend Lyrics

As k die aankiek, zai k de zunne
Dij mie aaltied weer toulagt
As k die aanroak, vuil k de waarmte
As in n swoule zummernaacht
As k dien stem heur, heur ik de wiend
Dij zachies flustert: "hol van mie
Zunder die bin k ongelukkeg
Blief dien haile leven bie mie"

k Goa laiver oet mit die in Scheemde
As in mien uppie noar Corfu
Soamen op Roakeldais noar Waarvum
Din aan rais noar Malibu
k Bin laiver n dag bie die in Bavvelt
Din n week allinneg op Capri
Kais veur n dag mit die noar Ainrom
Din t waarme zuden zunder die

As t mie aankikst, zugst de zunne
Dij die aaltied toulaggen zel
As t mie aanroakst, vuilst de waarmte
Dij ik die geven wil, overaal
As t mien stem heurst, is dat de wiend
Dij zachies flustert: "k hol van die
k Zeg die tou, k moak die gelukkeg
Zolaank k leef, blief ik bie die"