Video Hou Kin K Die Overtugen de Age Van Der Velde 2024 Lyrics Lyrics

Age Van Der Velde - Hou Kin K Die Overtugen Lyrics

Dou k die leerde kinnen
Was t schieterg en zo stil
k Docht: "dat gaait wel over
Ze wait nait wat ze wil"
Nou is t n hail zet loater
En ain ding mor dak heur
Dat binnen dien mooie proatjes
Revelst aan ain stuk deur

Astoe begunst te proaten
Din holst nait weer op
Vanòf dag dak die traauwde
Heb ik pien in kop
Dat komt deur dien gekwedel
En van aal dien gezoes
Mor nou k weer allain bin
Vuil k mie ainzoam thoes

Hou kin k die overtugen
Dast de woare bist
k Wol dastoe vuilen konst
Hou of ik die mis
Sunt doe vot bist
Is t bie mie thoes zo stil
Hou kin k die overtugen
Dak die geern trug wil

Heb k wat te zeggen
Din zitstoe vot op kaast
Bin ik op mien schip in t vronder
Zitstoe boven in mast
As k zeg: "klok lopt achter"
Zegstoe:" nee, hai lopt veur"
k Wait wie binnen verschillend
Mor t kin der toch mit deur

As ik kiek noar aander vraauwlu
Din bist stok vergreld
Begunst geliek te bèlken
As mien moeke belt
Toch mis ik dien reren en raggen
En dien ploagerij
Al bist n teutje-bie-vonder
k Mis dien proaterij

Hou kin k die overtugen
Dast de woare bist
k Wol dastoe vuilen konst
Hou of ik die mis
Sunt doe vot bist
Staait wereld op zien kop
Hou kin k die overtugen
k Geef de moud nait op