Video Papa de Ahmed Mustafayev 2025 Lyrics Lyrics

Ahmed Mustafayev - Papa Lyrics

[Bənd 1]
Səni heç vaxt itirməkdən qorxmamışdım
“Dünyanı tutub durmalıdır bu adam” – düşünürdüm
Bacı zəng edib ağlayanda yoxluğunu anlamışdım
Əynim qalın idi, amma yaman üşüyürdüm
O yolu necə sürdüm, o gecə düşür yadıma
Çatmaq istəyirdim yanına ki, eşidim son sözlərini
Amma ki zaman bizi saldı ayrı bir dəfəlik
Girəndə mən evə əbədi yummuşdun sən gözlərini
İndi vecimə deyil qafiyələr, ya da üslub
Yoxluğun diktə edir yazdığım bu sətirləri
Heç bilirsən, sən gedəndən ’’мама’’mız gültək solub
Amma ki güllərin də heç vaxt itmir ətirləri
Hər küləkdə, hər yağışda düşürsən sən yadımıza
Biz isti otaqlarda, sən isə soyuq torpaq altda
Boğur qəhər anlayanda bu ''track''i dinləməyəcəksən
Bu arada Sofiya da Ramiz babanı çıxarmır yaddan

[Nəqərat]
Geriyə gətirmir səni dualar da
Sən indi haradasa uzaqlarda
Səsimizi eşidirsənmi, görəsən!?
Eşidirsənsə, işarə ver oralardan

Geriyə gətirmir səni dualar da
Sən indi haradasa uzaqlarda
Səsimizi eşidirsənmi, görəsən!?
Eşidirsənsə, işarə ver oralardan
[Bənd 2]
Yadıma düşür birgə uzanıb tavana baxmağımız
Hamının atası ata, mənim atam isə hər vəziyyətdə dost
Böyük zövq idi səninlə bu cür danışmağımız
Müzakirələr, kitablardan, musiqidən və yaxud H.O.S.T
Deyərdin, - qazandıqların hədiyyədir, onların qədrini bil
Bu həyatda bir məcburiyyətin var, o da ki ailən
Bu gün sənin yoxluğundan keçir artıq yarım il
Sən getmisən, amma möhkəmdir bizimçün qurduğun aləm
Haqqında danışmaq çətindir keçmiş zamanda
Sağalmayan yara yoxdur, hər şey sağalır zamanla
Görməyi sən öyrətmisən, hətta müsbət yamanda
İndi təbəssüm gətirir xatirən, sənli o anlar
O qədər hisslər var ki, sözlərdən aşıb keçər
Anlaşılmazdır, zaman niyə insanları ayrı salır ki!?
Sənin yerini, qoxunu, sözünü axı nə əvəz edər!?
Ruhunun şadlığını diləməkdən başqa nə qalır ki!?

[Nəqərat]
Geriyə gətirmir səni dualar da
Sən indi haradasa uzaqlarda
Səsimiz eşidirsənmi, görəsən!?
Eşidirsənsə, işarə ver oralardan

Geriyə gətirmir səni dualar da
Sən indi haradasa uzaqlarda
Səsimiz eşidirsənmi, görəsən!?
Eşidirsənsə, işarə ver oralardan
[Keçid]
(Ramiz İsaqovun oğluna ''Whatsapp'' audio mesajı)
Pərviz, sənə mən qurban olum…
Bilirsən ki, ’’папа’’ səni nə qədər istəyir, qurban olsun sənə ata!?
Allah sənə ömür versin, can sağlığı versin…
Sofişini elə böyüdəsən ki, ürəyin necə istəyir, elə bir bala alınsın…
Bütün nəslimizin üz ağı olsun, ata qurban olsun

[Nəqərat]
Geriyə gətirmir səni dualar da
Sən indi haradasa uzaqlarda
Səsimiz eşidirsənmi, görəsən!?
Eşidirsənsə…