Video Akhil Redhu Meri Tarha Romanized de Genius Romanizations 2025 Lyrics Lyrics

Genius Romanizations - Akhil Redhu Meri Tarha Romanized Lyrics

[Verse 1]
Har roz subah uthta hu, magar kyu neend na aati raato me?
Khali hai deevare kamre ki, aur zang lagi darwazo me, haan
Mai hu, jo qaid hai mujhme
Mai hu niraash jo khud se sabko dikhata raahe
Aur gumshuda hu apne raaho me
Kya mod hai jispe thehra hu?
Mai kab se khud ko keh raha hoon ki "Kal se badal dunga khud ko"
Par roz mai khud ko seh raha hu
Mai haara hu, jo toot gaya, gardish me mai vo taara hu
Haan, kal se badal dunga khud ko, par roz mai khud ko seh raha hu

[Chorus]
Meri tarah kya tum bhi khud ko hi tarashte? (Tarashte)
Vo guzre waqt ki kya galtiya sudhaarte? (Sudhaarte)
Haan, mehfilo me apne khushiya saari baant ke (Baant ke)
Kya tum bhi raate saari tanha hi guzaarte? (Guzaarte)

[Verse 2]
Haan, cheekh raha hu aankho se, narmi hai meri in baato me
Sapne hai mere, aur khud hi gala mai ghont raha hu haatho se
Ab aur nahi sehna, ye raaz kahu mai gairo se
"Mai khush hu zindagi sе", ye jhooth kahu ghar walo se
Kaisa dar merе andar? Thar-thar kaanp rahi meri nas-nas
Banjar khwaab lage ab har dam, ab bas taane kase sab has-has
Haan, maine jo kiye vaade hai, ab tak vo sabhi aadhe hai
Nazre hi jhuka leta hu, apne jo nazar aate hai
Mehlo ke sangmarmar pe, maine kangan toot te dekha hai
Aur choti chaar-diwaaro me maa-baap vo haste dekhe hai
To kya hai kaamyaabi? Kya hai zindagaani?
Raahe chunu mai kaise? Sawal mujhpe bhari
[Bridge]
Mai aasmaan me raahatein kyu dhundta hoon bewajah?
Hai ranjishe meri dua, hai bekhabar mera khuda
Jitni bhi shikayat hai, ye khud nadir ki kami hai (Kami hai)
Jaisi bhi aas hai, bas mehnat ki hi rang dhali hai (Dhali hai)
Chadar jo odh ke soyaa, jag se kaha waqif hai? (Waqif hai)
Thehra hu aaj mai hi, mujhe kal ki bhi kuch to khalish hai (Khalish hai)

[Verse 3]
Haan, maana dard hai, abhi mai kuch bana nahi
Shayad mai sapno ke liye kabhi lada nahi
Gir jayega vo khwahisho ka ghar, mujh pe hi
Agar mai aaj apne bistar se utha nahi
Koshish karunga bas, kal se behtar ban saku
Agar fisal gaya, to khud hi mai sambhal saku
Gavaau waqt na vo beete baate soch kar
Kabhi ruku na, chaahe dheeme hi qadam chalu

[Chorus]
Meri tarah kya tum bhi khud ko hi tarashte? (Tarashte)
Vo guzre waqt ki kya galtiya sudhaarte? (Sudhaarte)
Haan, mehfilo me apne khushiya saari baant ke (Baant ke)
Kya tum bhi raate saari tanha hi guzaarte? (Guzaarte)